皇室假期

尋晚約咗兩位朋友仔漏夜走佬北上....正所謂....夜晚晚有乜好做吖....梗係去...搵個囡囡梳乎吓啦.....乜呀....我意思係搵番個姐姐仔揼骨咋.....本來之前諗住去第二間架.....不過...有個朋友仔話呢期"皇室假期"有discount...而且裝修過...所以咪去試吓囉...

間嘢好似好大咁喎......

大堂唔算好大好靚....不過個金魚缸都幾特別....

唉....由於懶嘅關係....今次冇帶電話周圍走呀....好後悔呀....間嘢又真係幾靚架....按腳有電視比你睇之餘隔離重有部電腦比你上網架....重有...又有上網比你揀技師...當然有唔少靚仔靚女比你揀啦.....連間骨房都好靚....張床又大又靚又c服, 而且啲技師嘅手勢確係唔錯!

咁...呢間嘢豈不是無懈可擊? 嗯.....咁又真係唔係呀....呢間嘢實在太多太多人喇.....次次都要等餐死先有位....按腳又等....推油又要等....成間嘢咁大淨係得番一間三人房...想典先! 個睡眠區又full哂....頭皮搵間房擺啲床褥喺度就叫我哋瞓...都算啦....最奇怪就係....打地鋪都重要同陌生人share...一齊瞓地....好有難民feel囉! 最慘係我哋三條茂利又唔知"訂",又冇人得閒理我哋....攪到最後要屈蛇去番骨房瞓....好在佢啲床都ok啫! 真吹啤..........

臨走影番張相交功課先....其實...呢個位....好似冇乜好影囉...haha!