今日下晝....去咗一個我從未去過嘅地方....就係呢度喇! 荃景圍體育館....究竟....呢度有乜咁特別呢....其實....係冇嘅!! 哈哈, 又咪係普通體育館一個, 會有乜特別!
不過今次去體育館唔係去打波....係去睇跳舞比賽....捧吓亞May場!
佢參加咗四項同五項拉丁舞比賽....四項即係要比賽四part舞, 每part約一分鐘, 五項即係要跳5part舞如此類推, 其實要喺短時間內跳兩個比賽確係好甘吓!
我哋約3點鐘就到咗會場匯合....佢同partner要去報到先....佢哋係85號...
小童組首先比賽....嘩...6歲以下都有....好勁....啲妹妹著嗰啲裙仔都好pro好靚架!
好奇怪...跳完小童組先玩進場同致詞.....
之後又輪到少年組比賽....就係咁.....等吓等吓....亞May嗰part成6點先開始....終於嚟料....亞May著得好"行"吓.....堅!
不過我等唔切結果就要閃喇....頭先打比亞美...佢話4項比賽攞咗個冠軍呀....利害!
條黃色既絲巾真係多乜餘....左鬼住哂睇野
回覆刪除[版主回覆09/02/2008 09:51:00]嗰條絲巾係綠色架... ...佢哋啲裙好興加對護翼架....跳起嚟"飄然"啲...oh...sorry...係"飄逸"啲先啱!
下次叫佢跳 Samba..Rumba ...動感好多...對翼都 fing 高d
回覆刪除[版主回覆09/02/2008 18:20:00]呢啲舞好似係fing裙架...裙腳有啲一條條嘢fing 吓fing吓嗰啲...唔駛fing翼架...
好堅咁喎！你幾時跟佢去學返part舞表演比我地睇吓呀?
回覆刪除[版主回覆09/03/2008 09:51:00]我都係鍾意睇人跳多啲....自問冇乜運動細胞....記得以前讀書同淑雯玩過吓跳舞....結果邊跳邊笑(不過佢啲舞步真係好騎呢吓囉)...啲人以為我傻架...笑屎咗都未學識啦 ! 學反而想叫肥師奶學....可以幫佢減吓肥嘛 ....