四對converse@名古屋 - Day 2

wooowoo...好緊張呀...等咗咁耐戲肉到喇....期待已久嘅白川鄉我嚟喇! 唔知大家有冇睇過無記嗰套"最美麗的頭七尾七"呢...聽聞都係去白川鄉取境架, 其實我又真係冇乜睇過套嘢呀, 不過齋睇相已經覺得嗰度好靚好吸引!

要去靚嘅地方梗係要付出代價架啦, 代價就係要晨早6點幾起身執埋包袱死去搭巴士喇.....時間尚早食埋個包先上車.......

我哋就係搭呢架紅卜卜嘅巴士喇......由於要搭3粒鐘先到, 所以中途會停一停車比個"廁所位"嚟抖抖....

坐幾粒鐘車......梗係去吓廁所穩陣啦......點知一入去.........唔係fa明明寫住係女廁架喎...典解會有尿兜架..........啋!啋!啋!!大吉利是.......原來個女廁喺個男廁入面架.......好彩冇男人喺度啫!

嘩...終於到喇....白川鄉呀...真係好靚...可惜....我啲攝影技術麻麻...呢度確係真人靚過上鏡架.....周圍都係合掌屋, 好靚!

要行過對面先有民宿架...呢條橋日日都要行幾鑊先安樂架...

呢間就係我哋住嘅民宿喇, 都係合掌屋嚟架, 好傳統好有特色,地方好寬敞!

擺低行李又去搵食喇, 最左手邊嘅係五平餅, 另外嗰兩串係牛肉串(呢度嘅飛驒牛肉都好出名架)...全部都係呢度嘅特產嚟架......

熱辣辣食番杯雪糕先......都係綠茶味好食啲!

其實周圍都係啲乜館物館又或者乜寺物寺供遊人參觀.....

除咗食之外另一個响朵嘅嘢就係呢隻"猴寶寶"喇, 好得意架, 基本上佢係一個cute版平安符嚟架......都係隨處可見....

話明係响朵嘢梗係要幫番啲做手信啦, 當然唔會買咁大個公仔啦, 買吓鎖匙扣同電話繩做手信都唔錯吖, 唔同顏色嘅"猴寶寶"代表唔同嘅祝福架, 而我呢....就梗係要買番個"黑色"嘅"猴寶寶"旁身啦!

買完嘢又開飯喇....梗係要試吓個飛驒牛肉啦...都幾淋...!

食飽又周圍行吓觀吓光先....啲地方好乾淨架, 周圍有好多小溪, 重有好大條魚添!

啲屋好型呀..........天氣又好....好舒服呀!

要睇白川鄉嘅全境就要禽上山睇喇, 不過...我哋行錯咗咗條勁難行嘅山路上去呀, 又斜又窄.....好彩走嘅時候搵到第二條路咋, 唔係都唔知點碌番落山好! 不過個全境真係好靚架,行得辛苦啲都值得嘅!

跟住再參觀埋"和田家"....再四圍行咗陣又到食晚飯嘅時候喇, 我哋住嘅民宿係包埋架, 呢餐都係食牛肉, 不過就好食過下晝嗰餐...條燒魚都好好味架...

重有天婦羅,湯,生果....好豐富架.....

由於住喺山區嘅關係,夜晚真係冇節目架, 連便利店都冇間,所以晨早買定堆零食以備不時之需, 我哋嘅唯一娛樂就係食薯片同食薯片囉!

食飽沖完涼就瞓喇,由11點幾瞓到第二朝6點幾, 早睡早起.....簡直係健康嘅人生呀!