四對converse@名古屋 - Day 3

由於七點半要食早餐, 所以就要晨早六點幾起身梳洗, 我哋重要同兩個亞叔爭廁所, 好彩我早起一步, 衝入浴室洗番個靚頭....梳洗完又吔早餐喇....

嘩....晨早流流隊碗飯, 真係堅!好飽!

由於時間關係食飽又出去行陣先, 十點就要搭車去高山喇....我哋去咗八幡宮hea....

趁佢未開又周圍睇吓先...木板上面啲公仔又劃得幾靚架喎!

住持遲到呀, 九點三先開工....咁懶架.....

Hea完一輪就拎埋行李去買手信喇, 點知....賣手信間輔頭真係好串, 晨早流流都冇人幫趁架啦, 擺啲行李喺張櫈度又唔得, 叫佢比多個紙袋又要收錢, 家陣想點呀, 今時今日咁嘅服務態度全完唔掂啦, 若然唔係冇乜選擇真係唔想幫趁佢呀....

夠鐘喇又要趕車喇....呢次搭粒半鐘...好快過!

去到高山就即刻擺啲行李去locker先行街街, 兩手fing fing咁, 爽呀!

大食嘅我哋行唔夠幾步又要食嘢喇, 咁啱經過本旅遊書有介紹嘅"惠比壽"...梗係又要貢入去試吓啦...

間嘢個款好似好歷史悠久咁喎......

入到去見其他人都係食冷麵, 我哋又試吓先, 呢個係天婦羅冷麵...好食呀!

食飽又繼續行, 不過時間有限, 我哋淨係去咗行條"古街"咋...又係一路行一路買...

行完又要攞番啲行李搭車番名古屋喇......又要搭2粒幾鐘.....又係瞓覺嘅時候

傍晚六點幾先到名古屋, 為咗爭取時間shopping, 我哋又係要將啲行李擺去locker度先行街街....嗯....行行吓又見到呢個雞翼, 又買嚟試吓先....

行完諗住食飯架啦, 點知又落雨, 不過啲遮寄存哂喺酒店度呀......最後都係搭地鐵番酒店擺低行李, 拎埋把遮先再去食飯! 我哋去咗酒店附近間居酒屋度食嘢....人哋last order我哋先入去咋....喺度真係要表揚吓個侍應姐姐, 好努力咁用普通話同我哋溝通...成本menu都係日文....真係唔識睇!

一嚟就起勢咁嗌.....有沙律啦.....

燒魚....唔知係乜魚...應該係同尋晚嗰條一樣架...好食!

魷魚好唔錯架........

炸雞軟骨都好味, 不過就熱氣咗啲.....

Pizza.....呢個冇乜料囉.....一般啦.....

炸雞....都係一般啦, 冇乜特別....

壽司一堆............

蛋卷同雞翼, 成日都係雞同雞....好似同雞有仇咁.....

重有呢個有猪肉餡嘅蛋卷....都好好味!

再叫埋呢杯味道好似利賓立嘅drink就真係夠哂皮....好滿足!