四對converse@名古屋 - Day 1

2008年5月31日(星期六), 天晴...今日約咗幾個朋友仔去名古屋一遊...當然...唔係賣麵包嗰間名古屋啦, 係都唔駛約齊四隻腳一齊去啦, 係日本嘅名古屋呀! 我哋晨早9點就喺機場集合, 正式展開四日名古屋之旅....話時話四日真係太少喇...唔夠喉呀...下次去玩一定要去耐啲!

話明係"四對converse@名古屋".....我哋梗係要著番對大會指定嘅converse先行得啦!.....................

成班大食嘅朋友仔到咗機場緊係要食吓嘢先啦, 先嚟一個大家樂早餐...

上到飛機又係食...不過呢個飛機餐真係唔掂呀...

雖則個飛機餐好難食, 不過...好在架機好新呀...都坐得幾舒服...

坐咗幾粒鐘終於到喇...由於名古屋嗰邊天氣比較涼,個個一攞完行李就即刻摷番件衫著......其實又真係唔係想像中咁涷喎....帶咗件太堅嘅褸添...不過發冷嘅我一樣著到呀, 吹咩!.........

去到真係人生路不熟呀...幸好機場入面有位叔叔帶我哋去搭車出市區啫...真係唔該哂呀亞叔.....................................

我哋就係搭呢啲車去市中心架喇....

其實車程都係半粒鐘啫, 之後再轉程地鐵去"榮"站 (亦即係我哋住嘅地方"APA Hotel), 啲行李要拎嚟拎去, 行樓梯又要托嚟托去...勁攰呀......

攪完一大輪先到酒店, 嗯...間酒店確係舊舊哋, 不過個間格都ok啦...

地方都唔算好細...擺完行李重有位行呀...而且都幾近地鐵站, 算係咁啦!

都話我哋大食架啦, 又肚餓喇....5點幾食飯又太早, 嗯...high個tea先啦.....呢間cafe都幾靚吖....食少少嘢抖陣先shopping 啦.....

白色....代表純潔...haha......我like呀....

啲食物都ok呀....都係scone最好食....重有我最鐘意嘅樹多啤梨jam...好味!

食飽又行喇....做埋個"緊要"嘢先shopping呀....呢個緊要嘢就係要去搵間 "Lawson"或然者"Family Mart"攞去白川鄉嘅巴士飛, 我哋死搵爛搵先搵到間Lawson咋....好彩啲朋友仔做足功課...好順利咁就攞到飛喇!...真係要表揚吓佢哋呀...唔該哂!

攞完飛就梗係去shopping啦....行吓三越、Parco、松板屋...不過...冇乜斬獲喎...行到參唔多十點, 又係食飯嘅時候.....今餐食燒鰻魚呀.....

我哋太夜喇....冇套餐食添...散叫啦...叫吓叫吓....叫咗一人一個定食....嘩!勁飽呀...

其實都係鰻魚定食啦....呢個啲鰻魚好入味...不過好似咸咗少少....

至於另一個定食呢....呢個鰻魚飯係有三種食法架, 一個係原味, 一個係加wasabi同蔥落啲飯度食(又幾好食架喎), 一個就係加啲湯落個飯度(有點怪怪,不妨一試啦)....

呢個係鰻魚肝....苦架...唔識欣賞啦.....

食飽又去hea,去咗7仔買嘢啲飲品同甜品(布丁同啫喱)先番酒店...啲布丁好好食呀!