又戰敗

唉~尋晚無啦啦發燒...諗住早啲瞓, 瞓醒一覺就冇事啦...點知今朝7點起身都係慶慶哋...諗住瞓多陣先算啦, hea到9點...都係唔多掂咁...究竟今日sick leave好吖...定係睇完醫生死番工好呢...就係咁諗吓諗吓...又瞓著咗....一彈起身...已經9點半喇...拿拿淋爬起身打電話比姐姐....嗯...最後...都係請日假瞓吓算啦...恐怕真係爬唔到番工呀!

跟住...當然係好似死猪一樣大覺瞓啦....一瞓就瞓到11點幾....瞓醒又好咗好多喇 (鬼咩瞓足12個鐘, 大家唔恨得咁多架喇)...不過...頭痛同喉嚨痛呢家嘢梗有架啦...之但係都比尋晚好架喇!

瞓醒一覺就鬼打都冇咁精神, 今晚又要standby support...所以下晝就落街買定嘢今晚嘅餸玩煮飯仔....

見重有啲冷麵剩...整埋佢食先....難得今日有時間行街市....今次終於有蔥喇.....唔駛去惠康"乞"喇...真係好喇....切呀切呀切多啲先!

整番個汁先...一口都係飛滋...要溝淡少少先...都ok呀...

yeah...今次終於記得落紫菜喇....入面重有啲芝麻...啲芝麻好香呀.....

重有呢碟螺片少豆苗...啲螺片確係好味喎.....亞美嘅推介確係唔錯!

由於兩碟嘢都大大碟...又唔想嘥嘢...食咗成粒鐘先食得哂呀(最後食剩兩注麵咋, 算係咁啦)...真係好飽好滿足呀!