上兩個星期六嘅黃昏, 有個朋友仔無啦啦打嚟問我有冇性趣夜晚番大陸揼骨....嗯....梗係有性趣啦
....就係咁我哋兩個骨精強就漏夜搭尾班火車北上...
...
原來都有唔少人趕尾班車北上架...夜晚晚11點幾都好熱鬧吓! 同個朋友仔喺九龍塘搭火車, 佢帶我搭頭等...咁大個女都係第一次搭頭等咋..我哋喺上水出一出閘再搭去堔圳(呢轉搭番普通卡位咋)...其實計落都係好平咋!!
一落火車行咗一陣已經見到有n咁多架van仔兜客....當我哋猶疑梗上邊架車之際...個朋友仔撞倒佢個friend呀....難得咁啱...一於跟大佬去啦!
於是我哋就去咗呢間嘢喇...四個字形容呢間嘢"實而不華"
....裝修唔華麗, 不過齋講揼骨都ok 啦........
可能已經夜深啦....按腳嘅人唔算多....我哋成點先開始按腳....按完腳又揼骨....攪完一輪都5點幾喇....勁眼瞓.....
明明都零晨時份架啦....應該瞓架啦...點知...都唔知點解又覺得肚餓...於是....叫咗碟飯...叫吓叫吓又叫多碟餸....兩隻大食怪幾堅.......
食飽就瞓...瞓到12點幾先起身梳洗完一輪就去咗開飯....
有咖哩牛腩飯.....
啲菜都幾好食呀......
海南雞飯都唔錯架.....幾十蚊抵啦....
重有埋嘢飲添...好滿足呀.....下次再玩過!
骨技精湛嗎? 有冇出埋火.
回覆刪除[版主回覆06/18/2008 23:16:00]嗯....呢間嘢....好似冇"邪骨"架!
聽落幾ok喎，叫乜名? 幾銀? 介紹吓啦 ..
回覆刪除[版主回覆06/18/2008 23:16:00]間嘢叫"鴻康"....環境一般...你未必like喎..
女仔人家，三更半夜，去D咁地方，真係識嘆！
回覆刪除[版主回覆06/18/2008 23:14:00]重好講...又話帶我去威...等咗九年都冇消息...唯有自己去威啦!
響骨場影相冇比人小咩...你都夠薑.
回覆刪除又唔影ha d骨妹黎見識ha
[版主回覆06/19/2008 18:09:00]啲相咁鬆郁朦...一睇就知我影嘅時候係非常之淆底啦!
鴻康未裝修前我都去過, 環境真係好一般
回覆刪除[版主回覆06/19/2008 18:10:00]實不相瞞...佢裝修咗之後...個環境都仍然係一般咋...由其係個沖涼房...重有好多改善嘅空間!!
網友said...入去果間骨場見d骨妹..只要見倒短裙同條波罅...呢間就係邪骨服務.
回覆刪除[版主回覆06/21/2008 02:40:00]嗯....你啲網友....恐怕無論去到邊度都只係會見到"短裙同條波罅"...
回覆刪除呢張相, 好好feel吖.......... 係著草feel呀~~~
[版主回覆06/21/2008 02:43:00]係...好明顯我哋係漏夜著草...潛逃番大陸啦....