正能量

今晚同咗幾個朋友仔開飯....其實每次見佢哋都好緊張好期待架....鬼咩真係一年都唔見一次, 不過每次見到佢哋都好開心, 好似番咗中學時代咁...乜都講一餐!!

之前知道"妳"病咗真係好擔心呀, 今日見妳咁好精神真係放下心頭大石, 最值得欣慰嘅係妳仍然能夠保持住開朗嘅心情(睇嚟心情重好過我喎),重以為妳會喊苦喊忽添...相信你一定好快可以完全康復!!不過....唔好成日疑神疑鬼啦, 要保持心情開朗....嗯....好似識話人唔識話自己囉!! 希望多啲"正能量"能夠常伴我哋左右.

講吓今晚餐飯...我哋去咗旺角嗰間"魚米之尊"食....真係超豐富呀....

連魚翅撈飯都有....當然個魚翅係碗仔翅啦...都幾得意嘅....

食咗百幾蚊成廿個餸, 重要碟碟都大大碟, 味道都唔錯, 真係抵呀...呢個桂花紅豆糕都好味架...啲朋友仔重一人買咗一pack番屋企慢慢嘆添!