冷

上個禮拜去高山玩嘅時候貪得意買咗pack冷麵.......一包有兩個麵又好似幾易整咁........清清哋啱我呀......最衰擺唔到好耐唔係買多包都好.....

前兩晚冇乜細藝就煮個冷麵玩吓啦, 食冷麵呢家嘢點可以冇蔥呢...要勁多蔥....不過...屋企真係蔥都冇條...諗住落樓下間惠康買幾棵蔥啦...點知亞姐話啲蔥得番好少, 死都唔肯買比我....終於夾硬買幾棵菜個亞姐先肯搭條蔥嚟咋....呢幾粒蔥好珍貴呀.., 真係吹鬼漲.....

都知屋企冇哂wasabi架喇....所以喺沙田買定pack帶子刺身做餸....重有紫菜架...不過最後唔記得落呀....

話時話...原來以為整個冷麵食好簡單啦...點知都係要買百九幾樣嘢配合番佢....真係煩煩哋呀, 買啲嘢重要係"妹仔大過主人婆"!不過...都係食落肚啫...又都好食嘅架喎衰鬼...