老泥妹實錄

尋日又約咗個朋友仔北上尋歡....雖則橫風橫雨....不過仍然冇損我哋嘅雅興...一於go go go搭火車去堔圳威!!

其實今次諗住即日來回, 所以約早咗少少.....4點喺上水出發...嘩...真係落緊狗屎....攪吓攪吓5點先去到堔圳....由於時間嘅關係(你知啦...揼骨呢家嘢真係有排攪架啦, 都係醫咗肚先穩陣)...哈!5點幾就食晚飯....真係威!

今次去咗呢間"巴蜀風月"開飯....我哋兩條人生路不熟嘅盲毛居然好快就搵到間嘢...好勁.......................

呢間嘢嘅裝修都唔錯架.......

oh....太多人喇...影相驚比人炳攪到手震震添....

入面都幾大....5點幾都已經坐咗唔少人喇....

呢包紙巾真係貴....大拿拿3蚊架....唔用都撻走先....唔好嘥!

嗯...啲前菜真係麻麻啫.....不過啲碟仔幾靚架!

終於有嘢食....上湯豆苗....其實應該係"金銀蛋菜苗"先啱囉...不過...都ok呀...

香酥糯米鴨...幾香口又幾特別...都唔錯!

松鼠魚...啲汁酸咗啲....好彩啲飛滋好得七七八八啫...唔係真係食唔到呀...

呢個好明顯係貪佢個賣相得意而叫架啦...佢叫"晾衣白肉"...

重有....飲咗我生平第一罐嘅王老吉...以前成日以為佢會苦苦哋唔敢飲...乜....原來係清涼茶嚟嘅?!...呃咗我幾十年...激氣呀!

你睇...7點未夠已經坐無虛席喇, 好在我哋快人一步啫...食飽飽就可以閃去揼骨喇...............................

今次我哋去咗水都.......

間嘢確係幾大幾靚架喎....有5層樓.....生果雪糕任食(其實...應該好多間都係咁)

由於食飽飯嘅關係...按完腳先再按身.....按完身又要睇埋"法證"結局...結果攪到11點幾...連涼都未沖....夜夜哋走又唔係...唔走又唔係....都唔知想點....兩條盲毛又唔知訂...結果hea 吓hea...都係要喺骨場借宿一宵....涼都唔沖就走去瞓...真係名副其實嘅老泥妹呀....

呢度就係睡眠區喇....亦係唯一可以偷影嘅地方...

好彩我哋早啲去罷位啫....真係full house架....睇到一地都係拖鞋就知有幾full喇...

第二朝晨早就起身喇....之後就去咗食早餐...搵嚟搵去都唔覺有酒樓...最後去咗食中式快餐...........

食飽飽又起行喇.....又要回歸喇....下次再玩過!