今晚放工同咗姐姐去威.....話時話真係冇幾何呀!
其實...今晚我同姐姐係去款客架....話說我幾個月前去咗星洲上個爛鬼training嘅時候, 喺嗰邊重遇番4、5年冇見嘅馬來西亞同樹Esther
...佢lee幾日嚟咗香港玩呀......
記得第一次見佢已經係4、5年前嘅事喇...當時我哋成team人去咗馬拉, 又係去上埋啲爛鬼training, 馬拉嘅同樹都一齊上堂架, 上次佢哋重好熱情咁帶我哋成班港燦去威添
....其實幾個月前我一條友去星洲都係多得Esther佢哋照顧咋, 今次知道佢嚟香港玩......難得佢一場嚟到, 都係時候玩義犬報恩啦, 點到要一盡地主之誼帶番佢去威番轉(其實都係食餐飯咁大把)
!
之但係....話就話識咗幾年....其實夾夾埋埋都係見過兩個禮拜咁大把.....都係唔多熟架咋....我都驚驚哋一條友同佢食飯好戅居吓
....悶親佢就唔好啦....不過又好彩...姐姐自動投案...話同我一齊去開飯...嘩!真係要多謝家姐!
最後...姐姐提意去尖沙咁嗰間rice paper食...查實....我都係第一次食咋 (港燦即係港燦)....啲食物都唔錯呀!
原來馬拉嗰邊都有留意肥姐同希哥啲新聞架...又再一次証明...希哥真係紅遍東南亞
! 除咗娛樂新聞...我哋嘅話題當然離不開公司啲八掛嘢啦....佢八咗唔少星洲同樹嘅秘史比我哋知添呀
........
食飽飽再影番張合照留念先!
果然係白淨馬拉.... 唔錯唔錯.....
回覆刪除[版主回覆03/07/2008 12:06:00]佢又確係幾白架...家陣當然係正啦 !不過.....其實.....以前重正囉... ...
你唔早響.... ..過多一排你又話將來冇而家咁正
回覆刪除[版主回覆03/07/2008 16:01:00]車..你又唔早問!
帶白淨馬拉響香港食越南野...真係吹帳...簡d 有中國香港本土特色既野丫ma...邊條荗利簡地方....拖出去斬啦..
回覆刪除你去星加玻都想人帶你食肉骨茶...如果果條友同你食pizza hut or壽司,,真係比佢吹爆
[版主回覆03/07/2008 16:05:00]其實之前問佢想食乜架...不過佢又話冇所謂 ...咁咪搵間坐得舒服嘅地方開飯囉...不過食食吓佢先話想食乳鴿....若然佢早啲講我就帶佢食乳鴿啦!
痾痾ha屎有時我都突然間想痾篤尿...有時冇得話一早講比你聽想痾乜
回覆刪除[版主回覆03/08/2008 11:56:00]lee個比喻...確係好特別.....