呢啲工....去邊度搵!!

唔講大家真係唔知...其實我成日都好羨慕大家姐以前嗰份工....一來番工地點同屋企距離唔太遠, 唔駛晨咁早起身....而且嗰度日日有飯開, 真係餐餐lunch都煮埋比你食(估唔到做office都有lee家嘢!)...慳錢之餘又有住家飯食真係冇得頂! (不過....數埋數埋都係得lee兩樣嘢值得我羨慕囉!)

之但係....今日...我終於唔駛羨慕人喇....我.....我.....我...今日比人包呀.....比人包起咗早餐、午餐...連下午茶都有人包呀......真係多得lee啲善長人翁嘅贊助....令到我lee啲貧困嘅山區兒童有餐飽飯食...."好心呢...福心呢...可憐吓我lee個乞兒仔呢......"........

先嚟一碗魚湯做早餐...重有豆腐添呀...啲湯重好熱架....好正呀! ....住家少婦即係住家少婦確係唔同啲嘅...煲啖湯都好味過人.......(嗚謝: 小青蛙)

午餐方面....難得今日有老細照....梗係要食餐好啦....lee餐食咗碗好好味嘅日式魚生飯....可惜...掛住食...唔記得影相呀....老細呀老細....不如....請我食多餐等我影番兩張沙龍再表表你吖.....(鳴謝:師奶仔)

無驚無險又到4點...到咗tea time....今日嘅壓軸就係.....芒果糯米糍....啲人妻真係好架啫煲完個湯重整埋點品....冇得頂呀....(再次嗚謝: 小青蛙)

好多謝lee兩位好市民嘅捐贈....遲啲會有專人通知你哋去拎番個好市民獎架喇!!