港燦堔圳搵食之旅

今日下晝無啦啦收到個朋友仔嘅電話, 佢話吹咗雞搵咗啲朋友仔一齊去堔圳開飯....難得又個個都肯夠佢顛...我梗係加入啦....於是乎我哋就約好去上水等...齊齊北上搵食! 係喎...真係sorry喇...今次又遲到添....

上到堔圳我哋就搭地鐵開始我哋嘅搵食之旅!

我...又真係港燦中嘅港燦...我都係第一次搭堔圳嘅地鐵咋...lee兩個就係地鐵飛...

啲地鐵確係好新吓..不過人流唔算多.....可能lee個時段小啲人啦!

我哋搭咗去老街站...再喺條街hea咗陣(行咗幾步已經有人問我啲朋友仔有冇興趣買希哥啲淫照....lee期佢真係紅片東南亞...)...就再飛的去咗lee間嘢食上海菜....

個商場確係好冷清...鬼咩...啲嘢咁高檔...邊有人幫趁!

又估唔到成9點去到都重要等位喎! 好彩等一陣就有位啫....終於有得食....

都食咗好多嘢呀....都係位位九十幾....喺香港食當然係唔止lee個價啦...不過喺大陸嘅生活指數嚟講...都好貴吓!

真係好多嘢食架...好飽飽...不過...唔記得影埋個果盤添!..食飽再hea多陣就閃喇...