平安過渡

繼尋日下晝去尖咀嗰間北京樓食咗片皮鴨之後,今日又去咗天后嗰間"香港銅鑼灣維景酒店"食lunch buffet擦咗餐勁嘅....不過又好彩無驚無險未有毒發跡象啫...

其實尋日北京樓嗰餐又唔算好heavy(片皮鴨除外), 大部份都係啲普通小菜(好似青炒小棠菜

、炒蝦球、酸甜魚塊....)....排骨仔就好欣賞啲片皮鴨喇!

 

今日下晝我哋又去咗食lunch buffet, 至我呢.......當然係食碗粥打底先啦.........不過.....其實今日都好放肆咁食咗幾塊魚生....確係一邊食一邊驚呀.......

 

甜品lee家嘢當然唔少得啦.....不過都係淺嘗好喇!

 

食食吓又玩吓影相...lee張相係肥師奶影架.....今次冇手震呀....又影得唔錯喎!

 

食食吓有個待應姐姐行過嚟話有個比小朋友做廚師整"生果撻"節目, 我哋梗係去玩啦....嘩!原來製作都好認真架, 有哂工具同材料重有個廚師哥哥教啲小朋友點整生果撻添...

 

首自係lee位高大威猛嘅廚師哥哥做示範...

 

啲小朋友個個都好留心聽書架.....睇吓排骨仔個樣幾認真!

 

睇完示範之後就輪到啲小朋友試吓親手整喇...首先要唧啲吉士落個餅底度....

 

之後就加生果同掃啲啫喱水喺個生果撻度等啲生果黐住個撻...

 

lee啲就係製成品喇....

 

整完重比埋個盒比我哋拎走啲撻添...又幾好喎....

 

就係咁玩完又繼續食, 食到兩點半就閃喇....之後又去咗亞May 度做facial....由3 點做到參唔多六點...哈哈...同亞May又確係幾好傾...傾吓傾吓唔覺唔覺又七點, 之後重同佢落街食埋晚飯先番屋企....真係估唔到做吓facial又可以識到位新朋友, 真係好呀.......亞May呀亞May...我當然當你係朋友啦, 真係好高興認識你呀!