餓鬼投胎

為咗興祝九月之星關生嘅生日,尋晚約咗幾個朋友仔去老尖食飯賀一賀佢, 今次我哋揀咗The Luxe Manor Hotel 入面嗰間意大利餐廳Aspasia度開餐

.....

個大堂擺咗好多幾有趣嘅櫈喺度...有老夫子櫈.....

 

ha ha...lee張....唔知點解...硬係覺得好似有啲舞廳feel....

 

間餐廳都係黑麻麻懶有情調咁啦....環境都ok呀....

睇完個menu之後....嘩!啲嘢又確係唔平....個waiter重介紹咗個千幾銀嘅扒比我哋....哈!乜原來我哋咁似有錢人家.....當然,最後我哋都冇叫啦....咁鬼死貴! 食多幾款嘢好過!終於我哋叫咗個頭盤

、一個pizza、兩個意粉、三個主菜share食!

lee個係餅乾條嚟架....同麵包一樣...每枱都有架!我哋重非常之大陸喱咁叫個waiter 幫我哋order添!

有佳餚又點可以冇美酒相伴呢....關生就叫咗杯唔知乜東東飲....

 

一嚟就食啲頭盤啦....lee個係唔知乜乜魚囉.....

 

重有個沙律....有啲蘋果呀菜同蝦....

 

跟住有個特式pizza.......都幾好味!

 

lee兩"住"就係非常之矜貴嘅意粉...其實我哋叫咗兩碟架(sorry唔記得係乜意粉)...個waiter幫我哋分左六碟, 一人一份...結果一人配給咗lee兩"住"嘢...不過lee兩"住"太有意大利feel, 好鬼硬...冇乜人識欣賞!

之後就食主菜....lee個係牛利嚟架,據聞重有舊鵝肝添....lee個都唔錯呀....

 

重有隻乳鴒....好似有啲生生哋....不過味道都ok...

 

lee個係黑猪肉....都唔錯呀.....不過lee三碟咁我式嘅主菜...係六個人share食架.....

 

之後重有薄荷雪糕...lee個係送架.....i like it ar.....

 

大家估吓我哋lee餐食咗幾銀? 比個貼士大家...我哋六條友去食...不過冇一個人有飽嘅感覺(基本上係重有餓嘅感覺).....埋單嘅時候重要諗吓去邊隊番碗雲吞麵好!點解唔叫多啲嘢食?無他嘅...我哋唔想破產囉......

 

開估喇.....$1999.8 大元(其實啲嘢都幾好食架, 不過又真係太細碟囉, 食極都唔飽咁)...計埋貼士位位$340(lulu.....當然唔少得你嗰份啦....多謝老細呀).............

都未食飽...我哋成班大食怪又點可以收手吖...之後我哋再轉戰"輕鬆一下"..哈哈!好似啱啱放出嚟咁!

 

最恐佈係.....居然食得哂啲嘢.....大家已經由大食怪榮升做蝗蟲....真係恭喜哂!

 

當然lee間嘢嘅價格平好多啦...兩舊幾水食到飽死....