家常小炒

過咗獨居老人嘅生活都有一段時間,初頭覺得做家務係一件好煩嘅事,不過隔咗一排之後我就發覺最煩嘅事原來係"一條友食乜好呢",真係餐餐都諗餐死先諗到食乜!

初時貪方便都會出街攪掂算,不過一條友多數都係快餐店,食得多真係非常之厭,重好似冇乜益咁!其實有時都想自己煮吓嘢食,不過自己煮嘢又唔叻,整嚟整去都係嗰幾味!今日終於的起心肝用咗28蚊買本食譜"家常小炒" (重要係"菲傭廚藝班"嘅level)....由低學起,本嘢教煮嗰啲餸夠單間同方便啱哂我!

今餐想食欖菜肉碎四季豆同蕃茄炒蛋....不過本食譜都冇介紹lee兩味餸!