尋日lunch去咗supermarket諗住買生果,見到啲蜜棗(青色新鮮嗰啲)同蓮霧好似幾吸引咁
(我諗點都好過屋企樓下間惠康啲爛蕉同爛蘋果!),所以就每樣買咗pack拎番公司,諗住可以當早餐食.....
今朝番到公司就拎咗個蜜棗嚟食....不過好似唔多好食....身為一粒蜜棗佢居然一啲都唔甜,真失敗.....咁都算啦,又唔想嘥嘢咪咬多兩啖先掉囉.....之但係當我無意中望吓食梗嗰粒蜜棗嘅時候....見到喺粒核附近好似有啲嘢郁吓郁吓.....初時重以為未瞓醒眼花啦
.....但係再睇真啲先發現原來有條白色小蟲喺粒核附近散步
.....好嘔心呀......我重樣衰到比條蟲仔嚇到大哎!攪到成村人走過嚟....真係非常樣衰!幸好條蟲係完整無缺......不過之前係咪已經食咗幾條蟲落肚就不得而知喇!!
沒有留言:
發佈留言