打錯電話

前晚夜晚晚參唔多12點咁滯個手提電話無啦啦响,咁鬼夜都唔知邊條茂利打嚟,個電話號碼又好陌生吓......

跟住就有把陌生男子嘅聲音就話:「喂!聰仔呀.....」

亞祖:「聰仔?」(真係有啲猶豫,我個姨生仔又係叫聰仔......)

陌生男子:「係呀,聰仔呀....」

亞祖:「打錯喎....」(斷估搵我姨生仔應該都唔會打lee個電話啫)

陌生男子:「噢!我重以為lee個電話係聰仔添....」

亞祖:「哦!唔係呀冇lee個人呀....」

陌生男子:「吖,不過你把聲幾甜喎,下次再打過比你....」

(我諗佢都係齋聽把聲先噏得出lee番說話)

佢當然係冇咁低能真係再打嚟啦,不過嗰一刻又真係唔知點應佢好,淨係葱葱咁收咗佢線,下次打錯電話我都試吓咁講先....唔知啲人會點答呢.......