巨峰提子

尋日又有幾個親戚嚟咗我屋企,我已經叫家姐呼籲啲親戚唔好再買嘢嚟,lee啲嘢有心就得啦.....點知....大家姐唔記得咗同啲親戚講!就係咁又出事喇.......尋日又收到兩大pack巨峰提子......雖則我都好鍾意食提子,但係又點食得哂咁多呢!

既然拎到嚟我哋唯有盡量隊哂佢啦......我同大家姐諗住食兩粒試吓味睇吓啱唔啱亞媽食.....嘩!真係不得了......酸到唔識形容,連我lee個'咸濕大王'都頂佢唔蒲!啲皮又超勁厚,真係好奪命,完全唔知食梗乜,飲酣都冇咁難頂...... 其實我哋食之前睇個packing都已經覺得唔對路 (喺百佳買$11蚊pack巨峰提子,重要係國產嘢......好信唔過吓!)....有哂心理準備先擺落口,點知真係估唔到咁難頂!

嗰兩pack嘢真係完全唔掂,我同大家姐每人'捱'咗幾粒之後就一致通過掉哂佢(又要做埋啲節墮嘢),不過都冇辦法,費事食到胃痛!

p.s. 奉勸大家買lee啲所謂巨峰提子嘅時候真係要小心,嘥嘢就唔好啦!