午夜凶鈴

尋晚唔知做乜喺屋企hea吓hea吓, hea到成點鐘先瞓, 真係一撻落床就瞓著

........但係瞓到參唔多3點嘅時候我個電話無啦啦响,比個電話嘈醒咗但係已經收咗線, 隔咗一陣(幾秒咁啦)個電話又响過,我諗唔通有緊要事(但係照計又應該唔會有乜緊急事掛), 咁即刻爬落床聽啦(好慘個電話重擺咗喺廳,我瞓上隔床架

), 但係爬爬吓落床又收咗線.....由於實在係太攰嘅關係我都係爬番上床繼續瞓

....

但係再隔多一陣, 個電話又响過,又嚟(lee次真係有啲淆底,唔通有乜緊急事搵我

).....今次用咗9秒9 爬落床聽電話,個電話又飛咗去留言信箱.....但係聽番個voicemail又淨係得一埋雜聲....咁咪睇番之前啲來電顯示囉....車!個電話號碼都唔知乜水嚟嘅,九成係白撞,等我重驚餐死!

最慘係爬咗落床之後成個人醒哂,喺張床邊典嚟典去都瞓唔番......4點幾先恰著咋! 今晚係咪應該要熄電話瞓好啲呢?