今晚食乜餸

今晚番屋企途中諗梗今晚食乜餸嘅時候,又諗番起屋企嗰兜冷飯,諗諗吓都係番屋企食埋啲冷飯算喇(好似好慘咁

),但係兜飯真係名符其實嘅石頭飯,硬到不得了, 真係掟死狗架.....唉!又唔想再食炒飯,好似好熱氣咁.........若果煮餸又煮唔切,已經9點幾,再要煮餸就變咗食消夜!

於是我就去咗屋企樓下間惠康買舊節瓜,1 pack 四海魚蛋, 1 pack 火腿.....估唔估到我想整乜呢?無錯....就係湯飯喇(本來想買冬瓜,但係惠康冇lee家嘢).......咪睇兜嘢唔多靚仔,查實都幾好味架

,因為....我加咗一罐史雲生雞湯丫ma

......