悔改福音

前晚我喺沙田食完飯就搭van仔番屋企, 坐到半路中途,無啦啦有把熟悉嘅聲音大大聲咁講:「好喇,今日我同大家講吓悔改福音.....」頂唔係fa, 又係上次嗰個福音亞姐.....

由於今次我坐咗喺最後排, 終於見到福音亞姐嘅盧山真貌, 就咁睇外表佢又真係唔覺佢有乜嘢咁.....之但係坐喺福音亞姐前面個師奶聽多兩聽覺得唔對路, 好鬼騷擾, 跟住就擰轉面怒啤福音亞姐, 佢望一望個師奶跟住就當冇事發生咁繼續講落去.....個師奶當然係比佢吹啤一聲啦!

之後又有個亞叔好大聲同好惡咁話:「細聲啲啦!」.....終於有人出聲喇

,但係福音亞姐依然故我繼續發表佢嘅偉論.....跟住又輪到坐喺福音亞姐後面嗰個亞姐大大聲咁講電話,福音亞姐慌死我哋聽唔到佢啲福音咁, 同傾電話嗰位亞姐鬥大聲......頂!全車淨係聽到佢哋把聲....重嘈過上次

...勁煩躁呀!