水魚

尋晚喺威爾斯醫院門口又見到嗰個周圍問人借錢搭車嘅亞伯, 我離遠見到佢喺醫院門口徘徊, 咁啱見到醫院門口有一大班人經過, 心諗唔通佢又想搵嗰啲人笨, 不過睇咗一陣佢又冇乜行動喎

........

正當我行近醫院門口之際, 亞伯無啦啦行過嚟我嗰邊, 查實我已經扮睇唔到係咁行架啦, 佢重猛咁叫住我"小姐!小姐....", 頂!估唔到亞伯咁有眼光劑劑都係搵我度水(今次已經係第三次喇).....乜我個樣真係咁笨咁似水魚咩

!

 好鬼hurt架ma

,次次想搵人笨都揀我(重要喺茫茫人海中揀我出嚟喎!)..... 下次見到佢係咪應該要踢爆佢, 起碼等佢認得我, 唔會再搵我做水魚, 不過我真係好唔想重有下次呀........