生日快樂

今日係我嘅大壽呀,祝吓自己生日快樂先, 重要日日都開開心心, 身體健康!

其實年年生日都參唔多痴住農曆新年, 除咗亞媽比嘅生日大利是, 重有啲親戚朋友比嘅新年利是, 由於有咁多善長人翁嘅支持, 每年嘅生日都好想買一份好豪嘅禮物比自己 ,當氹吓自己, 不過永遠都係買埋啲唔等駛嘢 (而且又唔係真係豪嗰隻), 有時重諗得好辛苦都諗唔到買乜嘢, 諗落都幾低能!

直到四年前嘅生日, 我又係好想買份好豪嘅禮物, 但係諗唔到買乜好 (其實有乜想買平時都買哂啦,點會等到生日先買吖)…咁啱有一日喺屋企無意中昅到”宣明會”嘅宣傳單張, 見到好多人窮到連飯都冇得食,廋到得棚骨咁

…但係我就嘥錢買埋啲無謂嘢,真係覺得自己好折墮吓!

最後我將本來用嚟買禮物嘅錢捐咗比”宣明會”當係禮物送比自己, 自此之後每年生日都會將部份嘢利是錢捐出嚟, 總好過拎啲錢去嘥啦! 其實新年流流做吓善事,真係人都靚啲又型啲架,唔信你哋試試!

http://www.worldvision.org.hk/default.asp