話說上個月見番啲10年冇見嘅同學, 其中一個同學仔"慧慧"話比我知原來同我哋一屆嘅"高材生" 整咗個"網上聯盟"比啲舊同學仔聯絡,趁今日有啲時間咪上網search 吓個web site 囉....不過我誤打誤撞去錯咗以前間中學嘅官方網站....我重以為lee個就係"高材生" 整嗰個網站添, 原來兩個網站唔同架, 怪唔知得揾極都揾唔到"慧慧"講嗰啲舊同學仔嘅資料啦!
頭先睇咗以前間中學嘅官方網站, 見到好多以教過我嘅miss 同亞sir嘅相, 佢哋除咗個樣比以前更加成熟之外又真係冇乜變過,有兩個亞sir 重札咗職做咗副校長添,幾堅,不過個訓導主任重堅做咗十幾年都重係做梗訓導主任,無得頂! 不過睇完一大輪都好似唔多覺我最like嗰個老師"薜太"嘅相,想當年"薜太"係教我美術架,佢真係非常之nice,成日都係笑面迎人咁, 唔知佢家陣係咪冇做呢
下面嗰個就係我最like 嘅課室"美術室"喇:
Lee 個就係有蓋操場,以前食飽飯冇嘢做就係喺度hea 架喇!
講番"高材生" 個網頁, 原來有啲舊同學仔都已經登記咗做"網上聯盟" 嘅"盟友", 重有唔少老師都留過message 添, 重間唔中攪吓敍會, 頭先我都登記咗做"盟友",重用咗中文全名嚟登記添, but 怕且都冇乜人記得我係乜水lu!
沒有留言:
發佈留言