尋晚又要番沉悶既logistic course喇......由於尋晚師奶仔同學逃學既關係,我選擇左搭van仔番學,記得第一次上堂都係諗住搭van仔, 由6點3開始等.....等左9年都冇車,終於要搭遂巴由太古城坐到去Poly......攪到7:30先番到學, 足足遲左1粒鐘.....重比師奶仔"鵝"左成晚tim.
所以尋晚諗住搭van仔,可以慢慢hea 番學.....起碼7:30先番到去,唔駛捱咁耐ma......唉!世事又點會咁完美架呢?! 我6:15開始等車....冇幾耐已經有架去紅磡既吉車,上到車都係6:20...諗住佢慢慢塞,7點鬆d應該到la....殊不知....架車竟然......"勁快".....去到紅磡都係6:40咋....上到課室都係6:45咋....平時又唔見咁早...頂! 上到課室重比亞sir 潤 "乜今日咁早呀...上個星期你好遲架".....由於成個課室得番亞sir , 我同另一個男同學.....亞sir死都唔肯開始, 重同我吹水tim.....又問師奶仔今日番唔番學, 我係邊度做野.....超煩! 唉!最後都係等到7點鬆d先開始講書.....計埋亞sir都係得番4件咋!
沒有留言:
發佈留言