前排做完個invoice redesign project, 尋日我公司個財爺請我地去cyber port 既艾美酒店食buffet (其實都係食亞公姐)…….查實我不嬲都唔係咁鍾意食lee d 飯, 3唔識7咁, 但係lee d 俾面派對唔去又唔係幾好, 橫掂又未去過cyber port咁咪當去見識o下 law…我同2個同事6點3就落樓,嘩! 財爺重親自揸佢架ben屎車我地…真係威! 其實重有十幾條友去架, but冇人搭財爺架車,我地先至要搭咋! 重要搭左成粒鐘先到…飛van冇咁嬲la,起碼自在d!
我地7點鬆d去到酒店, o個十幾條友經已到齊重食梗tim la….佢地話d海鮮好得,咁我咪彭彭聲出去攞la….出到去睇…..嘩!…..全部都係海鮮黎架, 勁吸引呀…(基本上”d海鮮好得” lee 句野係癈話黎), 唉!下晝同事請食tea重隊左碗龜岭膏唔多餓tim, side哂! 好彩坐多陣又餓餓地,跟住就攞左半打生豪(有3款,每款攞左2隻),其實我唔係鍾意食生豪既人,不過見到d同事猛咁讚咪試o下 law又真係唔錯喎,如果唔係驚肚仔痛我都想再encore tim. 之後又食左龍蝦,蟹腳,大蝦, 螺,沙律,重有唔同種類既芝士, 同埋我既至愛cheese cake同朱古力蛋糕…..全部都好好味架!
9點幾食飽,其實我同同事都想參觀o下 cyber port 架, 不過又要搭財爺架ben屎喎所以算罷la! 下次有機會再去參觀過la….
沒有留言:
發佈留言