跑友飯局

星期四同星期五都分別同咗兩班唔同嘅跑友出嚟開飯, 雖然大家都係跑友不過性格各異, 星期五呢班友仔又真係好型....齋睇呢堆食物+烈酒, 真係睇唔出大家係跑步識架...唔知仲以為大家係劈酒識番嚟! HAHA

 

同成班酒仙食飯真係要好好定力架...雖則我唔算好喜歡飲酒, 但係三五知己邊食邊飲嘅感覺確係幾relax幾開心嘅, 不過呢幾日病咗重啪緊藥, 今次真係好乖一啖都冇飲呢!

 

邪惡炸豬大腸, 好味呀!

 

 碟雞都好好味, 仲有個泡飯都好香, 不過真係略咸...跑友仔買嘅蛋糕都好好味, 仲有我勁喜歡嘅cream brulee超滿足! 期間仲有跑友仔唱歌贈慶, 真係好鬼正囉!