兩個難忘嘅團跑...

呢期天氣堅熱, 我重要皮膚敏感得好嚴重吓, 有時見到啲團跑event真係好掙扎, 好想去玩吓但係一勁流汗嘅話皮膚敏感就更嚴重, 之但係一個難玩嘅人又點會怕皮膚敏感呢?! (其實怕架, 不過玩完先算啦HAHA)....

 

就係咁上上上個星期日就由東涌跑去天檀大佛, 又係我死敵斜路喎(上斜冇力, 落斜又驚傷腳) ..... 中間有段路重好曬添, 好在中間有豆腐花做補給...最後要行條大斜路先到...真係行都覺得攰呀! 難得有跑友重話跑番落山....重難得嘅係成班傻人又真係話一齊跑番落山...最後大家一齊隊完碗餐蛋麵就跑番落山...嘩!落山又係超曬呀頂!又黑咗一度, 救命!

原來上大佛都未算癲, 落狗屎都照跑先癲呀 (真係落狗屎架, 大雨過渣馬), 同樣都係半馬, 今日呢半馬好甘呢, 斜都當然係唔少得啦, 尾段重要落狗屎, 全身濕哂啲衫褲鞋襪都變得好重好難路, 跑完重凍到黐肺呀...不過...咁惡劣嘅天氣都可以完成到真係要比個叻比大家!