泰黑仔...2013~DAY1

又番"鄉下"喇...以為今年唔會走泰國架啦....點知幾位嘩鬼同事講多幾講就受唔住誘惑! 今次嘅陣容都幾型....估唔到佢哋幾個可以一齊放假..真係可一不可再!! 講番個TRIP啦.....我哋6月15晨早7:50機呀...早到連機鐵都未開....我同師姐唯有齊齊飛的啦...MAY姐同亞妹就各自上路喺機場等!!

第一次搭HONG KONG AIRLINE....架機比想像中好架喇....

到埗就飛我去酒店...今次住HOLIDAY INN EXPRESS...嗯...呢度又真係麻麻...地方唔算大....早餐又冇乜嘢食, 廁所間隔又麻麻(HAHA..唔知點解, 我對個廁所嘅設計係有啲要求架...)...最衰BOOK唔到IBIS啦...嗰間應該好少少! ANYWAY, 呢間都算企理嘅....住幾晚啫OK啦!


擺低嘢就去唱錢喇...之後就去ZEN開飯....巧豐富呢!

食飽之後就番酒店喇, 因為我地BOOK咗個LOCAL TOUR去水上市場....原來要搭粒幾鐘車去架....不過又幾多嘢行架喎...唔錯唔錯!

水上市場重有好多食店架....行到熱熱地坐低食啲嘢先!

食飽就可以坐船仔贂螢火蟲喇...隻船會駛去較偏遠同有樹嘅地方.....又估唔到真係有螢火蟲睇架喎...當然唔會一大堆比你睇到啦....不過留心少少睇會睇到啲一黠黠光喺啲樹度閃吓閃吓架!睇完就駛番去水上市場喇....夜晚嘅水上市場好有FEEL架....

遊完船河就番市區喇...我哋去咗CHINA TOWN食晚飯....因為遊完船河已經夜夜地貪呢度收得夜啲麻!而且重可以去林真香買吓手信!!買完就飛的番酒店休息喇!

大家可能問....點解個題目係"泰黑仔"呢? 唔通亞祖去完泰國囇黑咗? 非也!! 今次反而冇乜哂黑呀....實不相瞞...查實亞祖呢期嘅運程真係超級黑(大家喺街見到我都要行遠啲呀...唔想黑親你哋!!)....重要黑到去泰國!唉! 等我遲啲寫番篇黑仔