番來喇....終於番來喇....冬眠咗兩個月又開工喇....今次玩個簡單啲嘅(點都好過上次嗰個海鮮美食...對我嚟講實在太深...重要走咗幾堂....最後唯有放棄!!!)...今次要東山再起呀......先嚟幾個搓幾個包食吓先...
又長又硬嘅(嘩...你哋諗緊乜呀...賤格)...我係講緊呢兩條...."法包"呀....
呢三粒鬼鬼鼠鼠係乜嚟?!...咪就係腸仔包囉....
呢幾粒...haha...咪就係包一個囉....老師話佢係"紅豆包"嚟架...
呢幾個水泡又係乜東東......佢哋咪就係東甩囉....家陣就齋咗少少...
影張合照先啦...其實家陣重試梗size...今次老師教我哋整得比較大粒...之但係我比較鍾意細煜少少...所以要自己adjust吓size....重係試驗中.....
你好呀,你整得好似^^ 係用樹脂定係輕粘土呀?? 我係工聯會學緊,但都唔識分整邊D要用咩粘土 想問下Luna同excellent有咩分別?? 你好叻呀!!
回覆刪除[版主回覆03/11/2011 00:00:00]過獎喇...我都係學咗唔算好耐架咋.....希望冇講錯你知啦 ...其實啲麵包係用輕黏土整架....呢樣黏土嘅質地比較粗糙同輕...通常用嚟整一啲外表唔需要太光滑嘅嘢...好似麵包或者一啲cute版公仔咁...
而Excellet係樹脂黏土嘅其中一隻牌子...呢隻粉比較柔軟幼細...密集高比輕黏土重.....可以用嚟做一啲幼細嘅迷你食物...(基本上好多食物都係用呢隻粉整架好似點心...麵...)
Luna...冇記錯嘅話佢好似叫麵粉黏土....質地同Excellent有點似...不過佢冇咁軟...就係因為佢質地冇咁軟...所以比較適合整一啲表面光滑得嚟又要突出一啲紋理嘅東西...好似整雞要突出雞嘅毛孔...所以老師教我哋要將Excellent同Luna mix 埋一齊整...(其實曾經有位老師教過...基本上整食物嘅時候將Excellent同Luna mix埋一齊整個效果會好啲!!個人認為又確係講得冇錯...)
寫完一大輪...真係寫到一舊舊...希望你明我寫乜啦!! btw...努力!!加油呀!!黏土確係好玩呢!!
冇顏色既
回覆刪除[版主回覆03/11/2011 00:02:00]未油呀..要等佢乾哂先上色...家陣似未拎去焗爐焗嘅麵包囉...haha!
多謝你解釋得咁清楚呀,我明晒啦!! 我都諗住買輕粘土試下整下D簡單既麵包,不過肯定要整好多次先成功比較似D,anyway thank you!
回覆刪除[版主回覆03/14/2011 00:26:00]唔駛客氣...
整得好似呀^^
回覆刪除[版主回覆03/14/2011 00:27:00]haha...多謝....我都係玩吓咋....幾好玩架!!
真係好大隻喎, 大過我一截手指頭呀.
回覆刪除整得最四正既係腸仔喎, 要焗多幾盆至得啦, 唔夠賣呀...
[版主回覆03/16/2011 23:53:00]係啦...可能老師驚我哋呢啲老人家眼花掛...所以啲size要大啲囉...