黏土製作の麵包蛋糕第二回

上星期啲功課都未做...今日乖乖留喺屋企做吓功課先! 整吓整吓唔覺唔覺又整咗大半日....不過做未做哂啲功課呀! 其實本來唔洗攪咁耐架....點知今日真係太潮濕...我將部份製成品又擺得太密質質...攪到幾隻熱狗黐埋哂一齊...又要整過...激屎我呀!!

呢個咁"玄"嘅嘢係乜東東?其實佢係未有餡嘅椰絲包嚟架....

佢係雞尾包呀.....

呢兩隻有角嘅怪獸係牛角包嚟架.....

呢幾隻應該知係乜喇掛...冇錯佢哋係熱狗嚟....

我嘅飛佛之一.....菠蘿包.....

雙層牛肉巨無霸...醬汁洋蔥夾青瓜...芝士生菜加芝麻....人人食過笑哈哈...一路搓一路諗起呢句急口令...haha

呢幾舊嘢整咗半日...真係超級慢囉!!

加埋上次整咗嗰啲包包整張合照先...