自從上星期玩完個雪糕月餅製作班之後...一直都好想自己番屋企試吓整...一來好玩..二來又可以送啲比朋友仔們應吓節...一舉兩得!
今日又得閒無事放吓假....趁有時候終於可以玩喇...真係要嗚謝小青蛙幫手買咗個月餅模呀...不過我尋日去買古古力模嗰陣見到個"蝦蟆mimi"模幾得意...買埋嚟玩吓先!
由於老師上次示範嗰個雪糕好似麻麻哋...今次試吓用雪糕機整先...
hehe...啲技術真係有待磨練..由其係個底...真係幾肉酸吓囉...又唔想太厚又"敏"得樣衰...大家...時運高睇唔到...你睇我唔到...你睇我唔到...
原本"蝦蟆mimi"都幾大架喎...啲古古力皮睇嚟冇咁厚...效果可能會好啲!!
yeah...甩模成功呀....個面係咪靚仔好多呢?! 各位親朋好友...等食喇喂!
你好呀,你整得好令呀^^我都決定左報名去玩下,想問下你呢個芝麻雪糕ok嗎 ?可以分享下食譜嗎 ?
回覆刪除[版主回覆09/12/2010 03:18:00]呢個芝麻雪糕ok架...啲朋友仔食過都話唔錯.
材料：
磨碎黑芝麻 1湯匙
鮮奶 180ML
淡忌廉 120ML
糖 70GM (不過我建議落2/3好喇...呢個份量太甜)
蛋黃 2隻
做法:
1. 蛋黃加糖打起
2. 牛奶煲至微熱
3. 將(2)逐次少量加入 (1) 攪勻
4. 再將(3)倒回煲內開小火，慢慢加熱至濃稠狀， 攪勻放涼
5. 加入忌廉攪勻
6. 將雪糕漿倒入雪糕機攪20分鐘, 完成後倒入膠盒放入冰箱 3 個鐘
製成品好得呀, 有無得試下先?
回覆刪除[版主回覆09/12/2010 03:08:00]當然有你份啦...呢個星期送貨...星期二放工找你...電聯啦!
我想問下整 雪糕個雪糕兜要雪左先嗎?因我冇用過ga,咁如用來整雪糕月餅就可直接將雪糕漿倒入模度嗎?忌廉不用打起嗎?磨碎黑芝麻係點整呀?唔好意思呀問你咁多問題,麻煩盡答^^
回覆刪除[版主回覆09/13/2010 00:15:00]係呀...因為我部雪糕機冇自動製冷架....要雪定個雪膽先架...要雪8粒鐘..啲雪糕啱啱攪好就可以倒落月餅模度架喇...
根據我用開嘅食譜...啲忌廉唔駛打架....至於啲磨碎黑芝麻..我其實係去啲整餅舖買架..唔駛自己磨咁煩...
你好呀我想問下呢你係咪用普通的0者喱模呀?做得出來的效果ok嗎?因听怪c父講普通的模唔得,咁我就買左佢個模啦 =.=llll
回覆刪除[版主回覆09/19/2010 12:44:00]我用咗兩個模呀...兩個都係朱古力模嚟架...月餅型嗰個係硬模...kitty嗰個係軟模...兩個模都ok架...其實呢...軟模重易甩啲添架!