中秋馬拉松式大食比賽實錄

唉...終於都寫到卜喇...個yahoo真係超唔掂...一有維修就好似屎咗貢...吹漲! 人哋尋晚本來興致勃勃諗住寫卜架嘛!!

都係算罷啦...yahoo成日都係貢...都無謂激氣喇...言歸正傳講番前晚中秋節嘅喪食活動好過啦....嗰日約咗小淫蛙佢哋去荒島bb焦(係荒島嘅屋苑攪嘅bb蕉嚟架)...本來以前會落大雨燒唔成架....貢我哋咪打定輸數...訂定啲長腳蟹...帶子同牡丹蝦...諗住拎去荒島慢慢嘆...典知最後又話可以繼續燒烤...貢...大食嘅我哋就唯有燒完烤先再同啲長腳蟹玩遊戲囉!

我嗰日哋4點就閃得喇...由於bb蕉啲燒烤包睇嚟好流吓...我哋幾條友放咗工就飛奔去咗荃灣街市...係咁"倚"買啲扇貝...大蜆同大大條鱔嚟燒囉...hehe...

買完嘢就搭大飛去荒島喇.....去到荒島就停咗雨喇...good!

要攤吓啲長腿叔叔同帶子妹妹先....燒完嘢食番嚟就應該解哂凍喇....

重要整埋一陣燒烤嘅食物.....

條鱔真係好鬼肥美...

佢嗰啲燒烤包又真係"巷"咗少少嘅...啲飲品得5盒咋...典夠呀...最後行去百佳掃貨先掂呀...............

yeah...終於可以開餐喇.....

樣樣都好得呀...由其係條燒膳...塊皮脆又啖啖肉....好好味呀...不過燒到10點就落閘放狗烹人走喇...啲鱔燒咗一轉咋...嘥哂!!

燒完嘢食就去咗小淫蛙屋企hea.....上吓網又hea吓...唔覺唔覺已經半夜兩點幾...又係時候開第二餐喇....

剩咗嘅鱔就拎咗去焗...都好味...不過啲皮就冇燒咁脆喇....重有好得大隻嘅帶子同牡丹蝦...重有長腿叔叔呀...全部都好得!

當然唔少得應節嘅小青蛙月餅啦...可惜真係太飽食唔到喇...不過食雲呢拿雪糕呢家嘢就當然冇問題啦! 真係超飽...最後hea到凌晨5點半先閃呀...巧眼瞓呀~