黏土製作の小食檔第三至五回

上星期掛住整雪糕月餅...攪到啲搓泥功課越甩越多...真係要急起直追先得喇....趁呢兩日假期努力吓先!!

又係估嘢時間喇...你又估唔估到呢5粒五顏六色嘅嘢係乜東東....haha...若然咁你都估到就真係威喎....揀直係我偶像呀!

比多少少貼士啦....家陣呢個款你又估唔估到呢? 啲透明粉巧貴....我同啲同學仔share咋...10個人買一包...haha...話時話呢隻粉都幾難handle...好易有裂痕架...呢幾支嘢真係攪咗好耐...嘥咗好多粉呀!

好喇...開估啦...haha...整好架喇...都唔知係乜?! 咪係啲乜醬物醬囉...左起有辣醬...甜醬...麻醬...芥辣....豉酒...

有甜醬又典可以冇腸粉架呢....

嗯...呢堆嘢唔知大家又估唔估到係乜呢? 其實都幾難估吓..haha...左上角係牛肚(正確嚟講應該係反轉咗嘅牛肚)...隔離嗰件係金錢肚...下面嗰碌係豬腸...最底嗰兩條係牛根....全部都未上色...所以啲色水係爭少少....

呢啲應該知係乜喇掛..無錯...就係腸仔同腸仔...

重整咗兩隻杯添...第一次用cosmos粉...啲粉越搓越軟...有趣有趣!

係喎...上回講到啲煎釀三寶要釀魚肉架...家陣啲茄子同紅腸已經ready喇...

嘩...真係釀到手軟呀...有豆卜...青紅辣椒....青燈籠椒...紅腸..豆腐...茄子...

整咗成日架喇.....不過都重有好多嘢未整呀!!