透心涼

呢期見小青蛙整雪糕整得咁過隱...見部雪糕機又唔係貴...趁暑假買番部同肥師奶佢哋玩吓都好! 聽小青蛙講青衣嘅7仔有售...於是我尋日就同肥師奶同排骨仔佢哋浩浩蕩蕩去仔7搵啦...殊不知一早售罄! 唔知幾時有貨呀....攪到肥師奶好鬼失望添!

好彩...同樹M姐又係想買....佢重打探到惠康有售...頭先番屋企經過惠康即刻嘭嘭聲入番部先...雖則佢貴過7仔....不過我有coupon (都唔記得咗之前做過乜嘢"好事"會有coupon..haha)...隊咗兩張coupon比收銀姐姐就攪掂咗佢! 筍呀!

其實我鍾意食雪葩多啲架...冇咁漏又冇咁肥嘛....雪糕當然都係要整係! 嗯...綠茶雪糕好...定係椰子雪糕好...都係樹多啤梨雪糕好啲喎...芒果雪糕都唔錯吖...不如整個青檸雪葩先啦...唔好...都係荔枝雪葩好味啲咁...haha...選擇恐懼發作添..sorry sorry!!

睇佢操作好似好簡單咁...希望製作成功啦!