無聊update~~

呢排啲天氣濕淋淋咁....真係攪到人都閹悶啲....星期日重要落狗屎攪到街都唔想出....喺屋企無啦啦挑起條筋...應該係挑起咗條"黐孖筋"...無啦啦想玩吓煮飯仔...oh...sorry...實不相瞞....其實...我屋企係一粒米都冇架...應該係現"煮餸仔"先啱!

前排去泰國買咗幾pack咖哩番嚟....終於捨得整喇!

我呢啲老人家唔食咁激烈...要煲番個冬瓜粒湯"中和"吓先....

喺屋企除咗玩煮餸仔...重可以玩吓執屋同大掃除...節目真係"豐富"!!

佢..終於可以蒲頭喇..呢個鐘係上次去瑞士買架...遺忘咗佢添!底部吊喺度嗰個公仔係咁fing嚟fing去...影得唔清楚添!

話哂就到新年..頭頭皮皮都搵個揮春番嚟掛吓...全屋最有新年氣氛就係佢喇!!haha

重有呢孖幾年前買嘅kitty大吉....可愛呀!

新年除咗有"大吉"之外...重要有"桃花"嘛....呢幅畫係肥師奶嘅真跡嚟架....不過....典解寫咗咁多年"亞仔"呢兩隻字...仍然係錯架....吹漲!