黏土製作の嫁女餅及盤菜第二、三回

呢個course真係太多功課喇...樣樣都要搓夠幾十粒先收得手....重要粒粒都好似鼻屎咁細....真係搓到眼花....足足努力咗兩日...不過都係未搓哂啲功課!

不如大家又估吓我搓嗰啲"鼻屎"係乜東東吖...呢啲白雪雪細細粒嘅係......白合嚟架!

呢個綠色一粒粒嘅...係綠豆嚟架....

IQ題....綠色一粒粒嘅係綠豆....紅色一粒粒又係乜呢....無錯...就係"紅豆"喇!

咁...黃黃哋色嘅呢啲又係乜呢...係黃豆?!非乜...係花生.....

其實...呢個我都覺得似杞子...可能啲色水似啦...不過....其實佢嘅真身係"紅棗"嚟架...

呢啲一粒粒大細超嘅....咪就係瑤柱囉....

雖則佢哋未上色...不過...都應該睇得出佢哋係冬菇喇掛!

怕且呢堆都唔難估掛....鮑魚嚟架.....

呢對護翼係乜?! haha....係魚翅嚟架...都唔知典解無啦啦整咗對翼出嚟.....

呢兩碌係又係乜呢.....蓮耦是乜!

又唔知典解...無啦啦要整埋呢對嘢....成支元寶蠟燭咁一啲都唔似龍鳳燭....非常之咁"大吉利是"啊!......

呢兩舊....其實係椰子嚟架......

整番個大合照先.......笑吖唔該!