哈佬喂趴地

難得今年嘅萬聖節係星期六....第二日唔駛番工....可以乘機玩番晚! 其實我都係第一次參加萬聖節趴地咋...呢個係狗狗趴地...係亞美附近嘅寵物店攪架....佢當然係帶埋佢對仔女"Barbie" 同"Nanako"去威啦....

Nanako著咗條裙仔好靚女呀.....

Barbie件衫都好型仔啫.....

扮完靚靚就出發喇....好多狗仔呀....佢哋隻隻都好鬼可愛!

我哋梗係唔放過啲咁可愛嘅狗狗啦...捉住佢哋影相先....不過我都係唔太敢抱起啲陌生狗仔呀........都係攬住Nanako先....

話明係趴地...梗係有嘢食啦.....

其實重有好多魚生...沙律...雞翼同炒飯架...不過冇影咋.....

啲狗仔們都玩得好開心架...你睇...靚女即係靚女..隻狗仔"噹噹"想同Nanako做個朋友仔呀...."噹噹"佢係咁做"請請"嘅動作想Nanako接受佢呀....

咀啖先....不過....Nanako最後都冇接受佢呀....重鬧走佢添haha!....之但係"噹噹"死心不息呀...變陣再"界"Barbie...重嚟一招霸王硬上弓..."生擒"Barbie...(註:咪以為Barbie呢個名咁女性化...查實佢係"仔"嚟架!)....究竟...."噹噹"係雌雄不分....定係喜歡攪基呢....抑或饑渴到男女不分嘅地步呀? 真係一個謎!

玩咗成晚狗狗們終於有嘢食喇....yeah!

而呢個魔鬼蛋糕係比人食架....好味!

食飽又玩吓抽獎先...嘩...Barbie抽到2獎呀...犀利!

最後影番張相留念先...hehe..