大閘蟹宴@淫窟

靜龜龜話你知...上兩個星期日....我....又去咗淫窟度執多劑呀...今次重好有住家菜feel....唔好咁大聲呀...冇乜人知架咋......喂喂....你....你....你哋諗梗啲乜呀...我意思係.....我去咗小淫蛙屋企(即係淫窟啦)...食多次大閘蟹之嘛....你哋唔好咁dirty啦!

今次啲大閘蟹係小淫蛙托人買架...四十蚊一隻,一人兩隻......唔該....男左女右企埋一邊....好乖嘅....唔好作無謂嘅反抗喇....影番張"遺照"先啦!

兩位賢良淑德嘅女士忙於預備晚餐....而我就同人哋老公(你哋又諗乜呀)...係同亞"妹仔咀"兄一路睇電視一路食媽媽麵等開飯喇.....

乜煮咗一堆濕米咁型?! 呢啲係湯渣嚟架.....雪梨濕米湯.....好潤呀....

蒜蓉炒皇帝菜.....

肉碎草菇....呢味餸好耐未食過喇...好有"媽媽"feel....

沙爹牛肉粉絲煲.....好味呀.....

有佳餚又點可以冇美酒呢....呢兩支紅酒幾乎比我哋飲哂....唔知呢排係咪近得啲"酒鬼"多....酒量比以前好咗少少.....夾夾埋埋我都應該飲咗一整杯紅酒....飲完重可以自己爬番屋企....勁!

主角出場喇....好肥美呀...由其係蟹姐姐...好多膏....蟹仔仔睇嚟就弱咗啲...不過都尚算ok....唉!我都知衰架喇...諗住食埋呢餐就"收山"呢排都唔食海鮮住...(連續3日係咁食海鮮真係唔多健康)..終於..食完呢餐即刻皮膚敏感...真係想唔戒口都唔得啦!