收貨

今日喺企屋等咗成個下晝....終於送到喇....好開心! 呢堆嘢係乜嚟? 話說8月嗰陣同咗個朋友仔去kitty lab威....嗰度又鬼屎咁多精美嘅紀念品...攪到我哋愛不釋手....由於我哋"啦屎"嗰日去...乜鬼都冇貨唯有訂購啦! 點知一等就等咗2個幾月....前幾日終於有人聯絡我....話我知有貨收喇!...又估唔到有送貨服務喎!haha...good!

約咗今日收貨...1點至6點送嚟?!典先...即係等足5個鐘? 都好在...送貨哥仔一點鐘打嚟話我聽要4點至6點先到....等我有啲心理同生理準備!

終於....都係等到6點先嚟....齊哂喇....3樣咁多.....公仔...環保袋同遮...

把遮好靚呀...都幾大把喎!

環保袋啲質地又唔錯喎!.....不過全部都係白色...恐怕我唔捨得用呀!

隨貨重送咗一張thank you card嚟...講聲"多謝老細"添.....

朋友仔呀朋友仔呀...你啲"贓物"都齊哂喇....係咪流哂口水呢?haha