乏力....

唔經唔覺...亞媽都走咗成個月....呢個月...可以用四個字嚟形容..."行屍走肉"...失去方向...失去目標....番工放工唔知為乜...就連寫個卜都冇心冇力....當然...未死得...重健在!

至於番工嘛...好很多嘢做...其實...好多人都話"用工作麻醉自己"...but...亞祖真係不敢苟同...."兩筒"都比多...試問喺咁嘅情緒之下工作...會有啲乜嘢好成績呢? 對我嚟講...家陣只可以專注做一啲低要求,低技術同低難度嘅工作...耐何黑仔嘅亞祖日日要做埋啲研究生同設計師之類嘅工作....考攰! 可能年紀大啦....對I.T.呢行真係有啲厭倦...真係要好好考慮吓"轉行"呢個問題!

其實有唔少朋友仔都好關心亞祖嘅居住問題...問我可唔可以keep住問屋啦...又問典解唔搬番屋企....其實....亞祖嗰間所謂嘅屋企....嗯....都可以用四個字嚟形容..."家不成家"又或者..."睹物思人"...再唔係可以用"陷家xx"嚟形容...大家明白嗎? 其實..轉換一吓環境亦未必係壞事呀...當然...我都好懷念以前一家人一齊渡過嘅開心日子啦...不過...都過去喇...何必令自己更痛苦呢! 當然...有時我都會番去住吓嘅...始終都會掛住嘛....

查實寫呢篇卜唔係想令大家擔心...我都係想其他人明白我諗乜啫...寫出嚟...總好過乜都擺哂喺心...係咪?!

突然間諗起...小五嗰年...某日放學等極都唔見老豆出現(以前係老豆接亞祖放學架)....於是...亞祖就好無奈咗自己行番屋企...由於冇鎖匙嘅關係...我只好一直企喺門口呆等...等咗好耐...終於見到老豆出現...當我正想問老豆發生乜時嘅時候...我望到老豆雙眼通紅....神色凝重咁同我講..."麻麻過咗身喇...我而家係孤兒嚟架..."..年幼嘅亞祖當時真係完全唔明白....何解一個有妻女嘅大男人會用"孤兒"嚟形容自己呢...莫非佢冇當我哋係一家人? 當然....亞祖而家完全明白老豆當時嘅感受啦, 父母嘅地位真係冇人可以取代...希望大家懂得珍惜!

老豆,亞媽...我會好好照顧自己...放心啦!