尋日放工收到肥師奶電話....大家估吓佢搵我做乜? ....佢....佢....佢....竟然打嚟吹我買禮物比小青蛙...重要買大大份嘢添呀....嗚嗚嗚嗚...咩世界嚟架...激屎人!!
由於budget有限...30個大洋又要大大份嘅話...非呢樣嘢莫屬! 不過我諗小青蛙已經晨早買咗架喇.....唔緊要啦...話哂都係folder...典都有用掛!
兩面都有小青蛙公仔架....都算交到功課啦!
包得靚靚哋呃吓人先.....
......
你哋睇...今朝真係瞓都未瞓醒就交換禮物喇...若然今日拎唔到嘢番去...恐怕肥師奶包租婆會烹我走
....
肥師奶包租婆....我...我...我交租喇...唔好烹我走呀.....特別鳴謝:小青蛙, 呢兩袋曲奇都係佢親手整架....一袋係榛子果仁曲奇...一袋係猪屎杏仁古古力曲奇嚟架....聽到都想試吓....正!
祝聖誕快樂 , 平安夜玩得開心D !
回覆刪除[版主回覆12/24/2008 15:58:00]你都係呀...玩我開心啲...Merry X'mas!
嗚嗚嗚....... 唔開心呀~~~~
回覆刪除亞妹話個豬屎杏仁古古力冇曲奇feel呀~~~
但係, 我自己反而鍾意食呢款多啲喎...........
[版主回覆12/26/2008 02:09:00]其實兩隻都ok呀...不過我都係鍾意食"榛子果仁曲奇"多啲...連大家姐都話呢隻唔錯!
哎呀, 掛住 唔記得講多謝添.........
回覆刪除多謝亞祖同Kitty妹妹~~~ 希望你地同Calvin都鍾意我今次整嘅兩款曲奇仔啦~~
Merry X'mas~~
[版主回覆12/26/2008 02:10:00]Calvin就好鍾意...猛話好食...kitty嘛....尋日佢話唔捨得食住, 所以未知佢反應如何呀!
好嘢~~~ 好開心呀我~~~
回覆刪除話時話, 今次真係有啲壓力喎........ 因為真係唔想令小朋友失望呀..............
不過估唔到亞Kitty姐居然會唔捨得食喎!!!
佢唔係望到頸都長嘅咩??!!
食咗先啦, 可以再整過嘛~~~
[版主回覆01/01/2009 16:25:00]其實佢哋都冇乜嘢係唔食嘅...放心啦...haha
新年快樂 ! 今晚倒數玩得開心 D !
回覆刪除[版主回覆01/01/2009 16:24:00]多謝!多謝! Happy New Year...你都玩得開心啲呀!