泰國水貨團 - Day 1

2008年8月22日....清晨5點鐘....打住3號風球嘅早上....有兩名女子執埋包袱拖哂喼咁...打算喺山區飛的出發去雞場.....諗住搭飛機去泰國玩幾日.....由於出發前日一比啲黑心嘅同樹咀咒嘅關係...颱風「鸚鵡」哥無啦啦行快咗幾步....該兩名女郎子喺機場已經收到風大慨8點鐘會掛8號風球.....鸚鵡哥...乜咁啱呀...我哋又係8點飛喎!

不過.....打風又點啫...一樣飛到架.....其實朝早嘅天氣除咗熱之外.....都冇乜異樣...所以...我哋照去大家樂隊吓早餐等上機!

07:14分....都重係3號仔啫.....查實雞場喺嗰陣有好多人架...一切都好平靜, 大家都等住上機...不過好明顯係暴風雨前夕囉....據講下晝所有機都飛唔到呀....

上機喇...上機喇...上咗機先開始見到有雨落咋....嗰陣...怕且都掛梗8號風球喇.....不過...架機好穩定喎...一啲都feel唔到打梗風....

又係食.....不過....都係唔多好食....

我呢個係自稱有"noodle"嘅早餐....noodle 呢.....喺邊呀....

話咁快就到咗泰國喇....無驚無險...最抵死係...明明遲咗少少起飛架喎....居然到可以準時到埗.....堅!

噢! 熱屎人喇...好好...好好天囉....正當大家喺屋企發梗發mo...等梗個9號風球嘅時候...我哋就喺泰國飛梗的去酒店check in囉....唉!真係太好天喇.....

今次我哋就係住呢間...Pullman King Power Hotel...好新好靚!

由於時間尚早....未夠鐘check in...同圍行吓先....

嘆埋杯welcome drink先出發去shopping.....

呢度重有專車送我哋去BTS站架....

一場去到泰國....無非都係食hea揼.....見餓餓哋...都係去開飯先啦...big c...food court嘅河粉...一年之後再食...仍然咁好味!

整埋個甜品就perfect!

食飽又要做吓苦力....唉...當我同啲朋友仔講我去泰國嘅時候....好似呢...有少少誤會囉....其實...我都想澄清呢...今次去泰國同上次一樣...我都係諗住食hea瞓揼架咋...唔係去帶水貨架.....個個都叫我買NaRaYa....真激屎! 其實呢...我重想澄清呢....我冇玩開舉重架....成堆袋...我一條友典拎呀! 雖然係咁講....應承咗人嘅嘢我都會盡做嘅...終於...我哋又喺呢間嘢hea嘢成兩點鐘...攪到一手都係袋....

就玩個冇獎兢猜遊戲...究竟...我哋兩條茂利喺呢4 day總共買咗幾多個袋呢?

言歸正傳...買到一手都係袋...梗係要番酒店擺低嘢先啦...間房好大喎....

張床幾c服...晚晚都瞓到死猪咁....

廁所都大過人架.....好得...........

之後又要出發喇...都話好忙架喇...又忙住開飯.....就係呢間喇....不過呢....入面太好情調...攪到啲相影出嚟黑麻麻....齋噏等大家羨慕吓算啦...其實...都冇乜嘢啫....淨係飲咗好好味嘅冬陰公...食咗超好味嘅香茅羊扒....啖啖肉嘅咖哩蟹同埋炒通菜囉...好飽!

之後就再去隔離間骨場(Ruen-Nuad Massage Studio)揼骨....揼咗3粒鐘....c服到爆!