今日下晝1點鐘左右...我....擁有一部iphone....不過.....唔夠一粒鐘...我又冇咗佢喇.....嗚嗚嗚....以為我比人撻嘢?送咗比人?非也! 其實...我係將佢賣咗呀(正確嚟講係拎去炒).....小小哋賺咗3千...嗯....我係咪同啲o靚仔同師奶冇乜分別呢...哈哈...係...我認...不過...唔駛喺烈日當空吓排隊....嘆住冷氣hea一粒鐘就有3千....我呢啲都算係"高薪"囉!
攪咗成粒鐘先得....好彩即刻有機...yeah!
係咁"倚"揩吓都好吖........你......都幾靚仔吖.......
都唔知典解...啲線係白色嘅....唔多襯咁....
正所謂"不在乎天長地久....祗在乎曾經擁有"...再見喇iphone.....
其實我之前都試襟個部iphone架...查實佢嘅response真係幾快...嗯...個人認為比HTC好呀...畫面都好似靚啲...典解我唔買嚟"自奉"?無他嘅...一句講哂...貪錢囉....哈哈!其實識我嘅朋友仔都知我唔like呢啲高科技產品架啦....電話呢家嘢...我淨係用嚟聽電話, 打電話同影相架咋....況且聽聞呢啲機function太多好易hang機...攪到打電話同聽電話都有問題....可能你又會話"唔裝咁多嘢咪唔會咁易hang機囉?"...嗯...若然係乜q都唔裝嘅話...咁買部iphone嚟做乜呢!
當然啦...貪心係要付出代價架...代價就係要簽"3"兩年喇...眾所周知..."3"呢個台嘅口碑確係麻麻...其實咁差應該有好多進步嘅空間架喎....就比兩年時間你...睇吓你會唔會改....兩年之後都係咁...我實狠狠咁飛你呀!!
嘩........... 賺咁多, 仲唔請食飯點得呀~~~
回覆刪除[版主回覆08/03/2008 23:31:00]人窮就係咁架啦....唔係都唔駛拎部iphone去典當啦....家陣係咪想喺乞兒兜度拿飯食先....
由於你太爛，我地比今個星期五限期過你，10%回增我地，否則後果自付。
回覆刪除[版主回覆08/04/2008 22:45:00]各位有錢人:
你哋真係唔好彩, 我呢啲荷包乾硬化嘅未期病患者好等錢髮....呢期要玩儲錢同慳家...正所謂慳得一蚊得一蚊....儲得一毫得一毫....你哋休想屈到我一分一毫啦!
況且我寫呢個卜都係想話比大家知有筍嘢啫...唔係叫你哋屈我呀..."齋屈"唔係辦法架喎....喺呢方面...我條"臘腸"好堅定架, 咪傻啦, 你哋實屈唔到我....
唉!我真係好窮架....唔好屈我啦....屈咗我.....恐怕你哋會後悔呀! 有錢嘅話...我都唔會變賣我啲家當啦! 為咗慳呢餐吹咗成篇嘢出嚟....真係搵食艱難! 放過我啦大人!!
山區人士上
我係唔想咁爛同你講，你D衰野，你夠膽成話" 呢期要玩儲錢同慳家...正所謂慳得一蚊得一蚊....儲得一毫得一毫....你哋休想屈到我一分一毫啦!"
回覆刪除咁你又去旅行.............你當我地傻呀。
[版主回覆08/06/2008 00:48:00]係.....張雞票咪就係靠... 慳得一蚊得一蚊....儲得一毫得一毫....咁得嚟架囉...呵呵!