盛裝舞步

尋晚約咗幾個朋友仔去睇奧運馬術比賽....不過....我...我...我哋係去睇傳說中"超悶"嘅盛裝舞步呀....去之前都有啲驚睇睇吓會瞓著....

約咗啲朋友仔7 點鐘喺大學火車站等.......

去到已經見到啲人一批批咁搭大會提供嘅穿梭巴士去比賽場地....

其實啲車好密架....唔駛爭......實有位坐...

好快就到咗會場喇....不過入場之前要做番個安全檢查先.....好似搭飛機咁....

我哋到果陣啱啱有隻馬比賽梗...由於比賽途中唔比人行出行入....所以等到隻馬仔行完我哋先可以行去觀眾席坐....終於有得坐喇....其實尋晚唔算好full.....而且....越睇越小人囉....大家明點解架啦.....哈哈!

個場比我想像中細喎...不過就好近觀眾席...都算睇得幾清楚....

其實我同啲朋友仔已經一邊聽住旁述一邊睇架喇....不過....都係唔多知佢噏乜囉...一時又數吓隻馬行咗幾步(不過成日都唔知佢由邊步先開始數), 一時又話隻馬馬步唔穩(除非勁差啦...唔係都分唔到典先係馬步唔穩).....話時話睇咗粒幾鐘...啲旁述都係彈多過讚咁囉...........

到咗8點幾...有個小break....無啦啦有武術表演.....

至於我啲朋友仔呢....趁break嘅時候就影吓相.......重喺度玩扮拎聖火囉......呢位係傻仔一號.......

比人偷影咗都唔知嘅傻仔二號.....

又估唔到...傻呢家嘢都會傳染架....呢兩位路人甲同路人乙見到又學埋一份.............超攪笑!

唉...其實.....我淨係想影吓支聖火咋喎.....

hea咗粒幾鐘先閃.....臨走先見到原來有觀眾指南派.......散場先拎...好型吓囉!

之後又走去周圍參觀吓.......成村人輪侯梗買紀念品.....

想同福蛙影相都要排隊呀...啲福蛙重要分時段出現....唔可以一次過影哂五隻....

個福蛙肥肥白白咁幾可愛架.....

不過...我都係遠觀咋....小淫蛙...你星期五去褻玩吓佢啦...

影埋個聖火嘅火盆就閃lu.........

雖然我係唔多識欣賞...不過當係去見識吓都幾得意嘅...話哂冇乜幾何嘛!