唉....係咪犯小人呀....典解又遇到啲激氣事呀....番工又攪埋啲無厘頭嘅"42封情信"...都唔知典解係我攪...咁都算啦....重要係麻x煩user遇著茂利producer...我呢啲夾喺中間嘅真係比屎更難受! 麻x煩user對藝術嘅要求同執著....真係冇得頂! 至於個茂利producer更加冇嘢好講...之前已經remind咗佢某啲嘢可能有問題...做好心叫佢試吓先....佢又好有信心咁話冇問題...重話啲嘢係apple to apple架，你比乜我我咪整乜比你囉...典知...整出嚟啲嘢係apple to 蕉....咁大條蕉我真係啃唔落...重要比佢連跣兩鑊...跣到攤攤腰嗰隻....聽日真係要同佢屎過呀！
放咗工諗住去探亞媽啦...典知....唉！又有激氣事....又係要同照顧亞媽個亞姐屎過....真係太過份喇！絕對不能忍受，已經唔係第一次架啦！個個月比咗咁多錢出嚟啲service唔係咁差吓fa！至於乜樹...真係無可奉告....種之係有人偷懶兼不負責任啦...真係忍無可忍...個亞姐重糾膽打比第二個亞姐推卸責任重話我嘈嘈幣!.....其他人恰我對我唔好我都可以忍...恰我屋企人就萬萬不能呀...由其係亞媽...毫無反抗能力...連我都唔幫佢出頭重有邊個幫佢呀!
雖則有人話退一步海闊天空...不過...現實好多時都係...退一步比人踩多兩腳囉~
"亭"我估吓嗰個"對藝術好有要求同執著嘅麻x煩user"........ 係邊個先~~~
回覆刪除我撐你架, 我同你一樣, 邊個對我唔好, 我都可以算.......... 但係對我屋企人唔好呢, 我一定同佢"屎"過!!!! 一於鬧爆嗰個亞姐, 投訴到佢暈啦!!!!
[版主回覆07/28/2008 10:18:00]又要澄清吓先...嗰個"對藝術好有要求同執著嘅麻x煩user"....笨唔係"師姐"呀....若然係嘅話我邊會寫出嚟吖 ....擺喺心度爆幾句粗算啦...你估我嚴命長咩....