日本美食巡禮

寫完篇頭先嗰篇極度咁激昂嘅卜之後．．．係時候寫番篇飲飲食食嘅無聊嘢緩和吓氣氛．．．話時話．．．原來身邊唔少朋友仔都好喜愛食日本嘢．．．攪到近排出街開飯都係日本嘢同日本嘢！

嗯．．．呢個．．大慨係兩個星期前．．．旺角間魚心食．．．啲嘢都幾抵！

行行哋嘅蟹籽沙律．．．好大兜呀

１８蚊半磅三文魚生．．．呢度係一磅三文魚生　＋10隻甜蝦（1 蚊１隻）

我近排最鍾意嘅燒魚．．．都係比姐姐傳染啦！

炒飯一大碟．．．兩條友食．．．真係飽到反肚!

呢個係上星期嘅．．．請個朋友仔開飯．．．典知比唔到飽飯人食添．．失敗!不過呢碟牛確係唔錯呀．．．不過少咗啲囉．．．咪以為我咁孤寒．．一個set兩份食呀．．其實叫咗兩個唔同嘅set dinner．．．不過兩隻餓鬼掛住食．．有啲食物冇影相咋．．．

上星期五．．．由於見魚心幾抵食．．．叫多幾個茂利一齊番啅．．．食七咁七．．．又係飽到屎咗！

好多炸物呀．．．熱氣屎人．．．

又係我至愛嘅秋刀魚．．．好食！

好明顯．．．最後．．．呢個係隊唔哂啦．．．

當然唔少得超抵食嘅魚生啦．．．睇完啲相都飽哂！

到咗前兩日喇．．．又係曾經去過嘅一間食店．．

上次散叫．．．好似唔多飽．．今次叫set．．．又飽到嘔．．想典呀！

個朋友仔唔食鵝肝呀．．．益埋我．．．好食！不過真係好漏吓．．．

重有牛肉火煱．．．一人一煱．．．好味！

呢個烏東真係好好食架．．．滑得嚟好彈呀．．．超得！

其實喺呢個時候已經飽到想嘔．．．不過為咗唔想嘥嘢最後都隊埋佢．．．食完真係有扣喉嘅衝動！