失憶事件簿

唉....真係年紀大機器壞....呢排又真係經常性....失憶......基本上應該係老人痴呆先啱呀.....

事例一:上星期四做做吓嘢醒起有嘢要做testing....之但係人有三急...諗住去完個廁所再攪啦....典知....去完個廁所出嚟竟然唔記得要做啲乜....淨係記得有嘢做囉....諗咗一排諗爆頭先醒起原來未做testing...

事例二:星期日去咗街....番到屋企打開門....乜....乜....陰風陣陣架........冇奶油咁涼架....莫非係.....出門口嘅時間冇熄冷氣....頂!不出我所料...嘥電呀!

事例三: 經常唔記熄電熱水爐....呢個....應該唔會爆炸掛....

事例四: 連約咗人開飯都唔記得....話時話....尋晚已經係第二鑊...唉! 真係梳ly呀朋友仔們!

事例五: 重有啲濕濕碎嘅...唔記得流衫...唔記得淋花.....真係失憶一樣呀...救命呀!

亦由於老人痴呆發作嘅關係....今日比兩個騙徒呃咗大拿拿$5呀....嗚...嗚...嗚...亞婆錢都呃....冇陰公呀....嗚...嗚...嗚...

之但係我都重記得星期五約咗幾條茂利開飯嘅.....不過...啲人話睇lego展唔等埋我呀...好叻咩...查實我尋日都經過吓架!

明明5點幾去到架啦...都係咁多人...排哂隊...由於時間關係冇排到啦....話時話...典解啲人唔駛做架(亞祖難得放假先咁早咋)...5點幾就鼠去睇lego...真係想問吓佢哋做邊行....請唔請人呀....

其實個lego展嘅主題係奧運呀........

隻馬仔係咪好得意呢....不過...呢個都未算勁呀.....

睇吓.....呢啲真係威喎....好得意架....可惜今次冇時間入去睇啦....下次再去睇過!