再戰水都

星期六約咗幾個同樹北上尋歡....我哋一行六人晨早(其實都成11點先集合)就齊齊搭火車去威喇....由於今次都係去水都, 所以我哋搭火車去落馬洲....近好多架!

我哋呢啲大陸喱連落馬洲車站都要影一餐....

好明顯大家瞓醒就飛去搭車啦...乜q都未食...好肚餓呀....搭地鐵去到水都附近就頭皮搵間酒樓開餐先啦....

蝦餃, 燒賣同腸粉梗係唔少得架啦....

啲嘢食都ok呀....

好好味嘅酥皮蛋撻....叫咗兩碟先夠皮呀....

呢個什麼什麼芋頭....個面煎得好脆吓...都唔錯....

呢個係拼盤....中間嗰兩舊糕都幾得意.....

滑嘟嘟嘅豆腐好好食呀.......

排骨飯...都唔錯.........成餐嘢都係百鬆啲....抵啦!

食完梗係去玩啦....今次都係去水都....

今次好威呀.....開咗間房按腳.....間房好闊倘呀....有大電視, 麻雀枱, 重有私家廁所...好正架........

個廁所都好新淨.....

張麻雀枱重有自動洗牌機架....確係威呀...我都係第一次玩咋.....

去到梗係要食番杯雪糕啦.....芋頭味都ok喎.....

重有個攪到好混亂嘅果盤.......

有時......北上尋歡真係好危險架....救命呀....呢兩隻餓狼確係饑不擇食呀..

按完腳之後就去咗玩香薰推油....好c服呀......不過由於夜晚有"正經事"要辦所以推完油就閃番香港啦...其他人就掉低老公,亞仔同屋企人繼續去威囉! 啲人去咗叫雞, 飲雞湯同食蟹....好叻咩...車!

我都唔執輸....辦完"正經事"就同咗幾條茂利去九龍城食泰國嘢....渴屎咁滯...叫番杯椰汁飲吓先.....夠哂凍...正呀!

串燒...猪牛雞...車...我夠有雞食啦.....好叻咩....

泰式拼盤...........

生蝦....嗯....都係上次去泰國食嗰碟正啲呀...上次啲蝦真係超大隻架!

酸辣湯....確係好辣吓.......

呢個係明爐生魚......食飽先記得影相添.....由於啲嘢食上得好慢....食到十點幾先食完.....真係好飽又好攰呀!